Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 35-1} maṭi ilāṉ celvam pōl maraṉ nanta a celvam
• {KALI 35-2} paṭi uṇpār nukarcci pōl pal ciṉai miñiṟu ārppa
• {KALI 35-3} māyavaḷ mēṉi pōl taḷir īṉa a mēṉi
• {KALI 35-4} tāya cuṇaṅku pōl taḷir micai tātu uka
• {KALI 35-5} malar tāya poḻil naṇṇi maṇi nīra kayam niṟpa
• {KALI 35-6} alar tāya tuṟai naṇṇi ayir varittu aṟal vāra
• {KALI 35-7} naṉi eḷḷum kuyil nōkki iṉaipu uku neñcattāl
• {KALI 35-8} tuṟantu uḷḷār avar eṉa tuṉi koḷḷal ellā nī
• {KALI 35-9} vaṇṇa vaṇṭu imirntu āṉā vaiyai vār uyar ekkar
• {KALI 35-10} taṇ aruvi naṟu mullai tātu uṇṇum poḻutu aṉṟu ō
• {KALI 35-11} kaṇ nilā nīr malka kavavi nām viṭutta kāl
• {KALI 35-12} oḷ nutāl namakku avar varutum eṉṟu uraittatu ai
• {KALI 35-13} malkiya turutti uḷ makiḻ tuṇai puṇarntu avar
• {KALI 35-14} villavaṉ viḻaviṉ uḷ viḷaiyāṭum poḻutu aṉṟu ō
• {KALI 35-15} valaṉ āka viṉai eṉṟu vaṇaṅki nām viṭutta kāl
• {KALI 35-16} oḷi iḻāy namakku avar varutum eṉṟu uraittatu ai
• {KALI 35-17} nilaṉ nāvil tiritarūum nīḷ māṭa kūṭalār
• {KALI 35-18} pulaṉ nāvil piṟanta col putitu uṇṇum poḻutu aṉṟu ō
• {KALI 35-19} pala nāṭu neñciṉēm parintu nām viṭutta kāl
• {KALI 35-20} cuṭar iḻāy namakku avar varutum eṉṟu uraittatu ai
• {KALI 35-21} eṉa āṅku
• {KALI 35-22} uḷḷutoṟu uṭaiyum niṉ uyavu nōykku uyirppu āki
• {KALI 35-23} eḷ aṟu kātalar iyaitantār puḷ iyal
• {KALI 35-24} kāmar kaṭum tiṇ tēr poruppaṉ
• {KALI 35-25} vāymai aṉṉa vaikaloṭu puṇarntu ē